இங்கிலாந்து அணி 2005 ஆம் ஆண்டுக்கு பின்னர் முதல்முறையாக பாகிஸ்தானில் சுற்றுப்பயணம் செய்ய திட்டமிடப்பட்டுள்ளது, இந்தநிலையில் தொடக்க வீரரான ஜேசன் ரோயை அணியிலிருந்து வெளியேற நிர்வாகம் முடிவு செய்துள்ளதாகத் தெரிகிறது.
பாகிஸ்தான் சுற்றுப்பயணத்திற்கான இங்கிலாந்து தேசிய அணியின் T20I அணி வெள்ளிக்கிழமை, செப்டம்பர் 2 ஆம் தேதி அறிவிக்கப்படும், காயமடைந்த ஜோஸ் பட்லர் இல்லாத நிலையில் மொயீன் அலி அணிக்கு தலைமை தாங்குகிறார், பட்லர் தொடரில் பிற்பகுதியில் அணிக்கு திரும்புவார் என்று எதிர்பார்கப்படைகிறது.
எவ்வாறாயினும் ஜேசன் ரோய், பாகிஸ்தான் சுற்றுப்பயணத்திற்கான தேசிய அணியில் இருந்து விலகியது குறித்து தனது அணியினருக்கு தெரிவித்ததாக ESPNcricinfo தெரிவித்துள்ளது.
32 வயதான அவர் 2015 உலகக் கோப்பையில் இருந்து இங்கிலாந்து வெள்ளை பந்து அமைப்பில் முக்கிய இடமாக இருந்து வருகிறார், சமீபத்தில் ஓய்வு பெற்ற இங்கிலாந்து கேப்டன் இயோன் மோர்கனுக்கு மிகவும் நம்பகமான வீரர்களில் ஒருவராக இருந்தார்.
2019 உலகக் கோப்பையில் இங்கிலாந்தின் வெற்றிக்குப் பின்னால் உள்ள அவரது அபரிமிதமான ஆற்றல் இப்போது சிறிது பின்னடைவாகவுள்ளது.
ரோய்க்கு பதிலாக பட்டியலில் இருக்கும் தொடக்க வீரர் பில் சால்ட் ஆவார், அவர் இந்த ஆண்டின் தொடக்கத்தில் இங்கிலாந்துக்காக டி20 ஐ அறிமுகமானார்.
எது எவ்வாறாயினும் அடுத்து வரவுள்ள பாகிஸ்தான் அணியுடனான சுற்றுலா மற்றும் டி20 உலகக்கிண்ணம் ஆகியவற்றில் இருந்து ரோயை நீக்கிவிட்டு புதியவரை சேர்ப்பதற்கான திட்டம் இருப்பதாக தி காடியன் செய்தித்தாள் செய்தி வெளியிட்டுள்ளமை குறிப்பிடத்தக்கது.
