இலங்கையின் முன்னாள் கிரிக்கெட் அணித்தலைவரும் பயிற்சியாளருமான மார்வன் அத்தப்பத்து மத்தியூஸின் ஓய்வு குறித்து கருத்து தெரிவித்துள்ளார்.
அஞ்சலோ மத்தியூஸ் திடீரென சர்வதேச கிரிக்கெட்டில் இருந்து ஓய்வு பெறத் தயாராகி வருவதாக வதந்திகள் பரவுகின்றன. அது தொடர்பிலேயே அத்தப்பத்து கருத்து வெளியிட்டுள்ளார்.
இது மத்தியூஸின் சிறந்த நேரம் என்றும், அடுத்த மூன்று ஆண்டுகளில் இலங்கை அவரைப் பயன்படுத்திக் கொள்ளாமல் இருப்பது பெரும் இழப்பாக இருக்கும் என்றும் மார்வன் அத்தப்பத்து தெரிவித்தார்.
“முதலில் நான் நினைக்கிறேன் மத்தியூஸ் பந்துவீச்சை நிறுத்த வேண்டும். அவர் உண்மையில் மன அழுத்தத்தைக் கையாளக்கூடிய சிறந்த வீரர்களில் ஒருவர். முப்பதுகளின் ஆரம்பத்தில் ஒவ்வொரு கிரிக்கெட் வீரருக்கும் மிகவும் அச்சுறுத்தலான வயது. இந்த நேரத்தில் அவர்கள் நன்றாக விளையாடுகிறார்கள். அவரைப் புரிந்து கொள்ள வேண்டும் என்று நினைக்கிறேன்.
அடுத்த மூன்று ஆண்டுகள் மத்தியூஸின் கிரிக்கெட் வாழ்க்கையின் பொற்காலம். அவர் இந்த முறை பந்துவீச்சிலிருந்து விலகி இருக்க வேண்டும். உண்மையில், இந்த நேரத்தில் அஞ்சலோ மத்தியூஸை இழப்பது இலங்கைக்கு மிகப்பெரிய பாதிப்பை ஏற்படுத்தும் எனவும் அத்தப்பத்து தெரிவித்தார்.
