ஐசிசி உலக டெஸ்ட் சாம்பியன்ஷிப் 2021-23ல் பாகிஸ்தானும், இந்தியாவும் இறுதிப்போட்டியில் நேருக்கு நேர் மோதும் என ஆஸ்திரேலிய ஆல்-ரவுண்டர் ஷேன் வாட்சன் விருப்பம் தெரிவித்துள்ளார்.
ஐசிசிக்கு அளித்த பேட்டியில் வாட்சன், பரம எதிரிகள் இறுதிப் போட்டியில் மோதவில்லை என்றால் தான் ஆச்சரியப்படுவேன் என்று விவரித்தார்.
“இந்தியா மற்றும் பாகிஸ்தானை நீங்கள் ஒருபோதும் தள்ளுபடி செய்ய முடியாது, ஏனென்றால் அவர்கள் தங்கள் சொந்த நாடுகளுக்கு வெளியேயும் பல மேட்ச் வின்னர்களைப் பெற்றுள்ளனர். அந்த இரு்அணியும், இறுதிப் போட்டிக்கு செல்லும் கதவைத் தட்டவில்லை என்றால் நான் மிகவும் ஆச்சரியப்படுவேன்்என்றார்.
தற்போதைய முதல் இரண்டு தரவரிசை அணிகளான ஆஸ்திரேலியா மற்றும் தென்னாப்பிரிக்காவைப் பற்றி மேலும் பேசினார், மேலும் இரு அணிகளும் இந்தியா மற்றும் பாகிஸ்தான் உள்ளிட்ட மற்ற போட்டியாளர்களுக்கு கடுமையான அச்சுறுத்தலாக இருக்கும் என்றும் கூறினார்.
இறுதிப் போட்டிக்கான அவர்களின் பாதை கடினமானது, ஆனால் இந்திய, பாகிஸ்தான் இரு அணிகளும் இறுதிப் போட்டிக்கு முன்னேறும் திறனைக் கொண்டுள்ளன.
நியூசிலாந்துக்கு எதிரான இரண்டு ஆட்டங்கள் கொண்ட சொந்தத் தொடர் மற்றும் இங்கிலாந்துக்கு எதிரான மூன்று போட்டிகள் கொண்ட சொந்தத் தொடர் உட்பட போட்டியில் இன்னும் இரண்டு தொடர்களை பாகிஸ்தான் விளையாட உள்ள நிலையிலேயே வாட்சன் இந்த கருத்தை தெரிவித்தார்.
