இலங்கையின் முன்னணி வீரர் திடீர் ஓய்வு அறிவிப்பு -இலங்கை கிரிக்கெட்டில் ஏற்பட்டிருக்கும் திடீர் சிக்கல் நிலைமை..!
இலங்கையின் வெள்ளைப் பந்து வீர்ர் ((White ball) பானுக ராஜபக்ச, தேசியத் தேர்வுக் குழுவினால் நிர்ணயிக்கப்பட்ட கடுமையான உடற்தகுதி அளவுகோல்களின் காரணமாக சர்வதேச கிரிக்கெட்டில் இருந்து ஓய்வு பெறுவதற்கான தனது விருப்பத்தை இலங்கை கிரிக்கெட்டிற்குத் தெரிவித்ததாக அறியவருகின்றது.
லங்கா பிரீமியர் லீக்குடன் டிசம்பர் 23ஆம் தேதி முடிவடைந்த கடந்த ஆறு மாத கால பரபரப்பான கால அட்டவணையை கருத்தில் கொண்டு, ஜனவரி 7ஆம் தேதி நடைபெறவிருக்கும் அனைத்து தேசிய வீரர்களுக்கும் வரவிருக்கும் உடற்தகுதி தேர்வில் இருந்து விலக்கு அளிக்குமாறு ராஜபக்ச தேர்வுக் குழுவுக்கு கடிதம் எழுதியுள்ளார்.
30 வயதான பானுக, SLC க்கு எழுதிய கடிதத்தில், ஜிம்பாப்வே, ஆஸ்திரேலியா மற்றும் இந்தியாவுக்கு எதிரான வெள்ளை-பந்து தொடரை முடித்த பின்னர் வரும் மார்ச் மாதம் உடற்தகுதி தேர்வை எதிர்கொள்ளுமாறு கோரியுள்ளார்.
எதிர்வரும் ஜனவரி 16ஆம் தேதி தொடங்கும் ஜிம்பாப்வேக்கு எதிரான மூன்று போட்டிகள் கொண்ட ஒருநாள் தொடருக்கான தேர்வுக்கு வருவதற்கு முன், ராஜபக்ச புதிதாக அறிமுகப்படுத்தப்பட்ட 8 நிமிடங்கள் 10 வினாடிகள் என்ற அளவுகோலில் 2 கிமீ ஓட்டத்தை முடிக்க வேண்டும், மேலும் 70 வயதிற்குட்பட்ட தோல் மடிப்புகள் (Skin Fold) இருக்க வேண்டும்.
பல்லேகலையில் கடந்த ஆண்டு, 2 கிமீ ஓட்டம் அறிமுகப்படுத்தப்பட்டவுடன் பானுக ராஜபக்சவின் குறித்த அளவுகோல் 8 நிமிடங்கள் மற்றும் 35 வினாடிகள் என்பதுடன் 85 க்கு கீழ் தோல் மடிப்புகளாக இருந்தது.
5 ODIகள் மற்றும் 18 T20I போட்டிகளில் இலங்கையைப் பிரதிநிதித்துவப்படுத்திய ராஜபக்சே, UAE இல் நடந்த ICC ஆண்கள் T20 உலகக் கோப்பை 2021 இன் போது, 6 இன்னிங்ஸ்களில் 143.51 ஸ்ட்ரைக் ரேட்டில் 155 ரன்கள் எடுத்தார் என்பதும் குறிப்பிடத்தக்கது.
கொழும்பு ரோயல் கல்லூரியின் முன்னாள் அணித் தலைவரான ராஜபக்ச ,நீண்ட கால போராட்டத்திற்கு பின்னர் இலங்கை அணியில் இடம்பிடித்ததோடு மிகச் சிறப்பாக இலங்கை கிரிக்கெட் ரசிகர்களின் எதிர்பார்ப்பை பூர்த்தி செய்து வருகிறார் .
இலங்கையில் இடம்பெற்று வரும் LPL போட்டிகளில் Galle Gladiators அணியின் தலைவராக வழிநடத்தி மிகச்சிறப்பாக தொடர்ச்சியான இரு தடவைகள் இறுதிப் போட்டி வரை அழைத்துச் சென்றவர் என்பதும் குறிப்பிடத்தக்கது .
ஆயினும் இலங்கை தேர்வுக்குழு முன்வைத்திருக்கும் கடுமையான உடற் தகுதி சோதனைகளை எதிர் கொள்ள முடியாத நிலையிலேயே அவரின் இந்த தீர்மானம் அமைந்திருப்பதாகவும் அறியவருகிறது.
