இலங்கை ரசிகர்களது எதிர்பார்ப்பை நிறைவேற்றிய ஆப்கானிஸ்தான்..!
ஆசியக் கிண்ணத் தொடரில் இலங்கைக்கு மிகவும் முக்கியமான போட்டியொன்று இன்று இடம்பெற்றது. ஆப்கானிஸ்தான் அணிக்கும் பங்களாதேஷ் அணிக்கும் இடையில் ஷார்ஜாவில் நடைபெற்ற இப்போட்டியில் Toss வென்ற வங்கதேசம் முதலில் பேட்டிங் செய்ய தீர்மானித்தது.
அதன்படி களம் இறங்கிய வங்கதேச அணிக்கு ஆப்கானிஸ்தான் பந்துவீச்சாளர்கள் கடுமையான அழுத்தம் கொடுத்தனர். பங்களாதேஷ் அணியின் நான்கு முதல் வரிசை பேட்ஸ்மேன்களையும் 28 ரன்களுக்குள் ஆப்கானிஸ்தான் பந்துவீச்சாளர்கள் மைதானத்திற்கு அனுப்ப முடிந்தது.
அபிஃப் ஹுசைனாலும் 15 ரன்கள், மஹ்மதுல்லா ரியாஸ் 27 பந்துகளில் 25 ரன்கள் எடுத்தார். பங்களாதேஷ் ஸ்கோரை உயர்த்த வேகமாக விளையாடிய மொஸாடிக் ஹுசைன் 31 பந்துகளில் 4 பவுண்டரிகள் மற்றும் ஒரு சிக்சருடன் ஆட்டமிழக்காமல் 48 ரன்கள் எடுத்தார். நிர்ணயிக்கப்பட்ட இருபது ஓவர்கள் முடிவில் வங்கதேச அணி 7 விக்கெட்டுகளை இழந்து 127 ரன்கள் எடுத்தது.
பந்துவீச்சில் ஆப்கானிஸ்தான் அணி சார்பாக முஜீப் ரஹ்மான் 16 ரன்களுக்கும் , ரஷித் கான் 22 ரன்களுக்கு தலா 3 விக்கெட்டுகளையும் கைப்பற்றினர்.
ஆப்கானிஸ்தான் அணியின் தொடக்க ஆட்டக்காரர் ரஹ்மானுல்லா குர்பாஸை 11 ரன்களில் ஷகிப் ஆட்டமிழக்கச் செய்தார். ஹஸ்ரத்துல்லா சசாய் 23 , முகமது நபியால் 8 ரன்கள் மட்டுமே பெற முடிந்தது.
பின்னர் களமிறங்கிய நஜிபுல்லா சத்ரன் மற்றும் இப்ராஹிம் சத்ரன் ஆகியோர் வேகமாக துடுப்பெடுத்தாடி போட்டியை வெற்றிப்பாதைக்கு கொண்டு சென்றனர். நஜிபுல்லா சத்ரன் 9 பந்துகள் மீதமிருந்த நிலையில் சிக்ஸர் அடித்து ஆட்டத்தை முடித்துவைத்தார், 17 பந்துகளை மட்டுமே எதிர்கொண்டு, 6 சிக்ஸர்கள் மற்றும் ஒரு பவுண்டரியுடன் ஆட்டமிழக்காமல் 43 ரன்கள் எடுத்தார்.
அவருக்கு ஆதரவை வழங்கிய இப்ராஹிம் சத்ரன் 41 பந்துகளில் 4 பவுண்டரிகளுடன் 42 ரன்கள் எடுத்தார். இந்த வெற்றியின் மூலம் ஆசிய கோப்பையின் super 4 க்குள் நுழைந்த முதல் அணி என்ற பெருமையை ஆப்கானிஸ்தான் பெற்றுள்ளது.
ஆப்கானிஸ்தான் அணியுடனான முதல் போட்டியில் இலங்கை அணி மோசமான தோல்வியை தழுவிய நிலையில், இன்றைய போட்டியில் பங்களதேஷ் வெற்றியைப் பெற்றிருக்குமாகவிருந்தால் ஆசிய கிண்ணத்தின் Super 4 க்கு நுழைவதற்கான வாய்ப்பு இலங்கைக்கு நெருக்கடியாக இருக்கும் .
இந்த நிலையில் இலங்கை ரசிகர்கள் எதிர்பார்த்தது போன்றே ஆப்கானிஸ்தான் இன்று வெற்றி பெற்றுள்ளதால், இலங்கை அணிக்கான வாய்ப்புகள் இப்போது இன்னும் இருக்கிறது என்பது குறிப்பிடத்தக்கது.
