என் அப்பா ஒரு மீனவர்- டில்ஷான் மதுசங்கவின் இன்ஸ்பிரேசன் ஸ்டோரி…!

கோஹ்லி, ரிஷப் பந்த் தலைமையிலான இந்திய பேட்டிங் பட்டாலியனை நிராதரவாக மாற்றிய அடி ல்ஷானின் கதை..!

இலங்கை அணிக்காக விளையாடுவதே தனது கனவு என சில தினங்களுக்கு முன்னர் ஊடகங்களுக்கு தெரிவித்த இளம் வேகப்பந்து வீச்சாளர் டில்ஷான் மதுஷங்க நேற்று தனித்துவமான சிறந்த பந்துவீச்சில் ஈடுபட்டார்.

மிகவும் பலம் வாய்ந்த இந்திய அணிக்கு எதிராக அவர் அற்புதமாக பந்துவீசினார், மூன்று விக்கெட்டுகளை கைப்பற்றி தனது 4 ஓவர்கள் முடிவில் 24 ரன்கள் மட்டுமே கொடுத்தார்.

ரோஹித் சர்மா மற்றும் கே.எல்.ராகுலுக்கு எதிராக இந்திய இன்னிங்ஸின் முதல் ஓவரை வீசிய தில்ஷன், அந்த இன்னிங்ஸை 4 ரன்களுக்கு மட்டுப்படுத்தினார்.

அதன்பிறகு, தில்ஷன் தனது இரண்டாவது ஓவர் பந்துவீச்சில் இந்திய சூப்பர் பேட்ஸ்மேன் விராட் கோலியின் விக்கெட்டைத் தகர்த்து, கிரிக்கெட் உலகில் தனது வருகையில் ஒரு தனித்துவமான முத்திரையைப் பதித்தார்.

18 ஓவர்கள் முடிவில் இந்திய அணி 157/5 என்ற வலுவான நிலையில் இருந்தபோது, 18வது ஓவரில் 17 ரன்கள் பதிவான பின்னணியில் 19வது ஓவரை வீச டில்ஷன் வந்தார்.

இந்திய அணியின் 180 ரன்களை எளிதாக எடுக்கும் வாய்ப்பை கட்டுப்படுத்திய டில்ஷான், அந்த ஓவரில் 4 ரன்கள் மட்டுமே கொடுத்து பிரபல வீரர்கள் ரிஷப் பந்த் மற்றும் தீபக் ஹூடா ஆகியோரை வெளியேற்றினார்.

அப்படி சிறப்பான பந்துவீச்சில் ஈடுபட்ட தில்ஷானைப் பற்றியது இந்தப் பதிவு.

21 வயதான வேகப்பந்து வீச்சாளர், ஆசிய கோப்பையின் முதல் போட்டியில் ஆப்கானிஸ்தானுக்கு எதிராக ஆசியகோப்பை அரங்கில் அறிமுகமானார்.

ஹுங்கம விஜயபா கல்லூரியின் வீரரான டில்ஷான் மதுசங்க, 2020ஆம் ஆண்டுக்கான இளையோர் உலகக் கிண்ணத்திற்கான இலங்கை அணிக்கு தெரிவு செய்யப்பட்டார். இளம் வேகப்பந்து வீச்சாளர் டில்ஷான் மதுசங்க குறித்து தென் மாகாண முன்னாள் பயிற்சியாளர் மஞ்சுள கருணாரத்ன கருத்து தெரிவித்துள்ளார்.

“அவர் தனது பள்ளியில் பந்துவீசுவதை நான் முதன்முதலில் பார்த்தேன். இலங்கை கிரிக்கெட் நிறுவனத்தின் மேற்பார்வையில் அம்பாந்தோட்டை மஹிந்த ராஜபக்ஷ சர்வதேச கிரிக்கெட் மைதானத்தில் திறமையின் தேடல் பயிற்சி முகாம் நடைபெற்றது. அங்கு பயிற்சிக்கு வருமாறு அவருக்கு அழைப்பு வந்தது. மாகாண பயிற்சியாளராக கிரிக்கெட் வீரர்களைக் கண்டுபிடித்து, அவர்களுக்கு ஊக்கம் கொடுத்து ஒரு நிலையை அடைய முறையான பயிற்சி அளிப்பதுதான் கடமை”

“உண்மையில், முதல் நாளில் மதுஷங்க ஹம்பாந்தோட்டையில் பயிற்சிக்கு வர விரும்பவில்லை. நான் அவரது பள்ளியின் பயிற்சியாளர்களிடம் பேசினேன். அவர் ஒரு ஜோடி பந்துவீச்சு பூட்ஸ் கூட இல்லாமல் மிகவும் சிரம்ப்பட்டார், அந்த விஷயங்களைக் கண்டுபிடித்தேன் என்று மஞ்சுளா மேலும் கூறினார்.

டில்ஷான் மதுசங்கவின் கேரியரில் ஏற்பட்டுள்ள திருப்புமுனை காரணமாக சமிந்த வாஸை சந்திக்கவுள்ளதாக மஞ்சுள கருணாரத்ன தெரிவித்துள்ளார்.

2020ஆம் ஆண்டு பாகிஸ்தானுக்கு எதிரான தொடருக்காக ஹம்பாந்தோட்டையில் நடைபெற்ற 19 வயதுக்குட்பட்ட தேசிய கிரிக்கெட் பயிற்சியின் போது ஏற்பட்ட எதிர்பாராத சம்பவம் அவரது கிரிக்கெட் வாழ்க்கையில் திருப்புமுனையாக அமைந்தது.

19 வயதுக்குட்பட்ட இலங்கை தேசிய அணியின் வேகப்பந்து வீச்சு பயிற்சியாளராக இருந்தவர் இலங்கையின் முன்னாள் வேகப்பந்து வீச்சாளர் சமிந்த வாஸ். வாஸ் அவரைப் பார்த்து கொழும்புக்கு வருமாறு அழைத்தார்.

இளையோர் உலகக் கோப்பையில் நைஜீரியாவுக்கு எதிரான பிளேட் பைனலில் 19 வயதுக்குட்பட்ட இலங்கை அணியை முதலில் தில்ஷான் மதுசங்க பிரதிநிதித்துவப்படுத்தினார். அந்த போட்டியில் அவரால் 5 விக்கெட்டுகளை வீழ்த்த முடிந்தது. தில்ஷான் மதுசங்க தனது தற்போதைய வாழ்க்கை மற்றும் இதுவரையான பயணம் குறித்து கருத்து தெரிவித்துள்ளார்.

என் தந்தை ஒரு மீனவர், என் அம்மா ஒரு சிறிய கடை நடத்தி வருகிறார். எங்கள் பள்ளியில் குறைந்த வசதிகள் மட்டுமே இருந்தன. எங்களிடம் விளையாட ஒரு புல்வெளி கூட இல்லை. இருப்பினும், சமிந்த வாஸை சந்தித்த பிறகு, நான் தொடர்ந்து கிரிக்கெட் விளையாட விரும்பினேன்.

நான் முதலில் தேசிய டெஸ்ட் அணியில் சேர்க்கப்பட்டேன், ஆனால் நான் அங்கு கூடுதல் வீரராக இருக்க வேண்டியிருந்தது. ஆனால் மிக்கி ஆர்தரின் கீழும் இப்போது கிறிஸ் சில்வர்வுட்டின் கீழும் பயிற்சி பெற எனக்கு ஒரு சிறந்த வாய்ப்பு கிடைத்தது.

2021 தென்னாப்பிரிக்கா தொடருக்கான டெஸ்ட் அணியில் நான் இடம்பிடித்தேன். பின்னர் அதே ஆண்டில் மேற்கிந்திய தீவுகள் மட்டுப்படுத்தப்பட்ட ஓவர்கள் கிரிக்கெட் அணி மற்றும் பங்களாதேஷ் டெஸ்ட் தொடருக்கு நான் பெயரிடப்பட்டேன். ஆனால் அந்த நேரத்தில் நான் கூடுதல் வீரராக இருக்க வேண்டியிருந்தது.

என் திறமையை வெளிப்படுத்தும் சரியான சந்தர்பம் இப்போதுதான் எனக்கு கிடைத்திருக்கிறது எனவும் தெரிவித்தார்.

*மொழிபெயர்கப்பட்டது