ஒரு வருடத்தில் பூம்ரா காணாமல் போய்விடுவார்- அக்தார் எச்சரிக்கை..!

ஒரு வருடத்தில் பூம்ரா காணாமல் போய்விடுவார்- அக்தார் எச்சரிக்கை..!

‘ஒரு வருடத்தில், அவர் முற்றிலுமாக உடைந்து விடுவார் என்றும் ஜஸ்பிரித் பூம்ராவை இந்தியா எவ்வாறு நீண்ட காலம் பாதுகாக்க முடியும் என்பதை ஷோயிப் அக்தர் விளக்கியிருக்கிறார்.

ஜஸ்பிரீத் பூம்ராவின் பந்துவீச்சு மற்றும் வடிவம் குறித்து ஏராளமான பேச்சுக்கள் வந்துள்ளன, பல முன்னாள் கிரிக்கெட் வீரர்கள் இந்தியா வேகப்பந்து வீச்சாளர் தனது சர்வதேச வாழ்க்கையை நீடிக்க ஒரு வழியைக் கண்டுபிடிக்க வேண்டும் என்று கருத்துக்கள் பகிர்ந்தனர்.

பூம்ரா இப்போது ஐந்து ஆண்டுகளுக்கும் மேலாக சர்வதேச கிரிக்கெட்டில் விளையாடி வருகிறார், ஆனால் 2019 ஆம் ஆண்டின் பிற்பகுதியில் ஏற்பட்ட காயம் காரணமாக அவரது ஆற்றல் சற்று குறைந்துவிட்டது.

வேகப்பந்து வீச்சாளர் பூம்ரா தனது முதுகில் அறுவை சிகிச்சைமுடித்து மீண்டும் கிரிக்கெட்டுக்கு வெற்றிகரமாக திரும்பிய போதிலும், விக்கெட்டுகள் கைப்பற்ற தவருகிறார், அவரது பந்துவீச்சு ஆற்றல் சொல்லிக்கொள்ளும் படியாக அமையவில்லை.

உலகக் கோப்பைகள் நெருங்கி வருவதால் அவரது பங்கு பெரிதாக இருக்கும் என்று எதிர்பார்க்கப்படுகிறது. இதை மனதில் வைத்து, பாகிஸ்தானின் முன்னாள் வேகப்பந்து வீச்சாளர் ஷோயிப் அக்தர், இந்திய வேகப்பந்து வீச்சாளர் பூம்ரா மற்றும் அணி நிர்வாகத்திற்கு ஒரு ஆலோசனையை வழங்கியுள்ளார்.

மேலும் பூம்ராவுக்கு நீண்ட ஆயுள் இருப்பதை உறுதி செய்ய வேண்டுமென்றால், அவரை நியாயமாகப் பயன்படுத்துவதே முக்கியம் என்று அவர் கருத்து தெரிவித்தார்.

வேகப்பந்து வீச்சாளர்கள் தங்கள் முதுகு மற்றும் தோள்பட்டை ஆகியவற்றை அடிப்படையாக கொண்டு பந்து வீசுகின்றனர். பூம்ரா உபாதைக்கு பின்னர் நெருக்கடியை சந்திக்கின்றார்.

அவரை சரியாக பயன்படுத்த இந்திய கிரிக்கெட் நிர்வாகம் தவறினால் அவர் இன்னும் ஓராண்டில் காணாமல் போய்விடுவார் என்றும் கருத்தையும் அக்தார் முன்வைத்துள்ளார்.