கடந்த 10 ஆண்டுகளில் நான் பார்த்த மிக அற்புதமான வீரர் அவர் – 22 வயதான இந்திய நட்சத்திரம் குறித்து வெங்சர்க்கார் கருத்து..!
தென்னாப்பிரிக்காவுக்கு எதிரான ஐந்து போட்டிகள் கொண்ட T20I தொடருக்கான அணி அறிவிக்கப்பட்டதில் இருந்து அதிகம் பேசப்பட்ட ஒரே வீரர் 22 வயது நட்சத்திரம் உம்ரன் மாலிக் ஆவார்,
அவர் ஐபிஎல் 2022 ஐ தனது வேகமான மற்றும் விக்கெட் எடுக்கும் திறன்களால் புயலாக மிளிர்ந்தவர். மற்றும் இந்திய முன்னாள் ஜாம்பவான் திலிப் வெங்சர்க்கார், உள்நாட்டில் நடந்து வரும் தொடரின் போது விளையாடும் XI இல் தனது இடத்தைப் பெறுவதற்கு இளம் வீரர் போதுமான தகுதிகொண்டவர் என தெரிவித்தார்.
உம்ரான் மாலிக் ஐபிஎல் 2022 இல் ஒரு அற்புதமான திறமையை காண்பித்ததை தொடர்ந்து விளையாட்டின் ஜாம்பவான்கள் மற்றும் மூத்த கிரிக்கெட் வீரர்களிடமிருந்து பெரும் பாராட்டுகளைப் பெற்றார்,
அங்கு அவர் போட்டி வரலாற்றில் ஒரு இந்திய பந்து வீச்சாளரின் வேகமான பந்து வீச்சு என்ற சாதனையை முறியடித்தார்.
இந்த சீசனில் சன்ரைசர்ஸ் ஹைதராபாத் அணிக்காக 24 விக்கெட்டுகளை எடுத்தார். எவ்வாறாயினும், இந்த வார தொடக்கத்தில் புது டில்லியில் நடந்த தொடரின் தொடக்க ஆட்டத்தில் வாய்ப்பு வழங்கப்படவில்லை,
ஒவ்வொருவரும் விளையாட்டைப் பற்றிய வித்தியாசமான பார்வையைக் கொண்டுள்ளனர். ஆனால் ஐபிஎல்லில் அந்த மாதிரியான வேகத்தையும் துல்லியத்தையும் காட்டிய பிறகு அவர் ஆடும் பதினொருவரில் விளையாட தகுதியானவர் என்று நான் நினைக்கிறேன்.
நாங்கள் உள்ளூரில் விளையாடும்போது அவரைப் போன்ற ஒருவரை சோதிக்க இதுவே சரியான நேரம் என்று வெங்சர்க்கார் கூறினார்.
இந்திய கிரிக்கெட் அணியின் தலைமை தேர்வாளராக முன்னர் கடமையாற்றிய காலகட்டங்களில் விராட் கோலியை இந்திய தேசிய கிரிக்கெட் அணிக்குள் தேர்வு செய்தவர் என்ற பெருமை வெங்சர்காருக்கு உண்டு.
இந்த நிலையிலேயே முன்னாள் ஜாம்பவான் உம்ரன் மாலிக் தொடர்பில் இவ்வாறான கருத்தை பகிர்ந்துள்ளார்.
