“சாமிக கருணாரத்ன வெற்றிக்காக பிறந்த வீரன்” – போட்டியின் பின்னர் இலங்கை அணித்தலைவர் தசுன் ஷானக கூறுகிறார்!
கண்டி பல்லேகல மைதானத்தில் நடைபெற்ற 5 போட்டிகள் கொண்ட ஒருநாள் தொடரின் இரண்டாவது போட்டியில் இலங்கை அணி 26 ஓட்டங்களால் அவுஸ்திரேலியாவை வீழ்த்தியது.
அவுஸ்திரேலியா அணியின் மூன்று முக்கிய விக்கெட்டுகளை வீழ்த்திய சாமிக்க கருணாரத்ன இப்போட்டியில் முக்கிய பங்கு வகித்து ஆட்ட நாயகன் விருதை வென்றார்.
மேலும் இலங்கை கிரிக்கெட் ரசிகர்களுக்கு நன்றி தெரிவித்தார். “ஊரில் உள்ள அனைவருக்கும் மிக்க நன்றி. ஏனென்றால் நீங்கள் நிறைய ஆதரவு கொடுத்தீர்கள்.
எங்களுக்கு நிறைய நெருக்கமான போட்டிகள் இருந்தன, ஆனால் நீங்கள் வந்து எங்களுக்கு நிறைய ஆதரவளித்தீர்கள். நீங்கள் சொல்வது போல் இந்தத் தொடரை வெல்வதற்கு அதிகபட்சமாகப் போட்டியிடுவோம். மேலும் இந்தத் தொடரை வெல்வோம் என்று நம்புகிறேன் என சாமிக தெரிவித்தார்.
போட்டியின் பின்னர் பேசிய இலங்கை அணித்தலைவர் தசுன் ஷானக, “நாங்கள் பேட்டிங் செய்யும் போது குறைவான ரன்களே எடுத்திருந்தோம். சமிக கருணாரத்ன வெற்றி பெற பிறந்தவர் போன்றவர். ஒவ்வொரு முறையும் அவருக்கு பந்து கொடுக்கும்போது அவர் அணிக்கு தேவையானதை தருகிறார்” என்றார்.
துஷ்மந்தவும், துனித் பற்றி மிகவும் மகிழ்ச்சி தெரிவித்தார் “அவர் மிக உயர்ந்த நிலையில் இருக்கிறார். அவர் மீது எனக்கு மிகுந்த நம்பிக்கை உள்ளது மற்றும் மைதானத்தில் உள்ள அனைத்து பார்வையாளர்களுக்கும் சிறப்பு நன்றி என தெரிவித்தார்.
தொடரின் மீதமான 3 போட்டிகளும் கொழும்பு ஆர் பிரேமதாச கிரிக்கெட் மைதானத்தில் நடைபெறும்.
