ஜிம்பாப்வேயை எளிதாக வென்றது இந்திய இளம்படை…!

நேற்று ஜிம்பாப்வே அணியின் சுற்றுப்பயணத்தை தொடங்கிய இந்திய அணி முதல் ஒரு நாள் போட்டியில் எளிதாக வெற்றி பெற்றது.

ஹராரேயில் நடைபெற்ற இந்தப் போட்டியில் Toss வென்ற இந்திய கேப்டன் லோகேஷ் ராகுல் முதலில் பந்துவீச்சைத் தேர்வு செய்தார். அந்த அழைப்பின் பேரில் களம் இறங்கிய ஜிம்பாப்வே அணியின் முதல் வரிசை பேட்ஸ்மேன்கள் நான்கு பேர் நீண்ட நேரம் ஆடுகளத்தில் நிலைத்திருக்க முடியவில்லை.

காயத்தில் இருந்து 6 மாதங்களுக்குப் பிறகு கிரிக்கெட் களத்தில் இறங்கிய தீபக் சாஹர், ஜிம்பாப்வேயின் முதல் வரிசையை 26 ரன்களில் 2 விக்கெட்டுக்கு உடைத்தார். பின்னர் முகமது சிராஜ் ஒரு ரன்னில் சீன் வில்லியம்ஸை வீழ்த்தினார்.

வங்கதேச அணிக்கு எதிராக சிறப்பான ஆட்டத்தை வெளிப்படுத்திய ஷிகந்தர் ராசாவால் 12 ரன்கள் மட்டுமே எடுக்க முடிந்தது. கேப்டன் ரெஜிஸ் சகபாவா 35 ரன்கள் எடுத்து இன்னிங்ஸின் அதிகபட்ச ஸ்கோராக ஆனார். 28 ஓவர்கள் 3 பந்துகள் முடிவில் ஜிம்பாப்வேயின் ஸ்கோர் 110 ரன்களுக்கு 8 விக்கெட்டுகள் என காணப்பட்டது.

ஜிம்பாப்வேயின் ஒருநாள் கிரிக்கெட் வரலாற்றில் 9வது விக்கெட்டுக்கு பிராட் எவன்ஸ் மற்றும் ரிச்சர்ட் நாகாரா இணைந்து சிறந்த பார்ட்னர்ஷிப்பை உருவாக்கினர். 9வது விக்கெட்டுக்கு 80 ரன்கள் சேர்த்தனர், இருவரும் தலா 3 பவுண்டரிகள் மற்றும் ஒரு சிக்சர் அடித்தனர்.

பிராட் எவன்ஸ் ஆட்டமிழக்காமல் 34 ரன்களும், ரிச்சர்ட் நாகராவா 33 ரன்களும் எடுத்தனர். 40 ஓவர்கள் 3 பந்துகள் முடிவில் அனைத்து வீரர்களும் ஆட்டமிழக்க ஜிம்பாப்வே அணியால் 189 ரன்கள் மட்டுமே எடுக்க முடிந்தது.

பந்துவீச்சில் தீபக் சாஹர், பிரசித் கிருஷ்ணா, அக்சர் படேல் ஆகியோர் தலா 3 விக்கெட்டுகளை வீழ்த்தினர்.

இலக்கை துரத்த ஷிகர் தவானுடன் சுப்மான் கில் களம் இறங்கினார். ஜிம்பாப்வே பந்துவீச்சாளர்களுக்கு எதிராக இருவரும் அபாரமாக பேட்டிங் செய்தனர்.

இந்திய அணி விக்கெட் இழப்பின்றி வெற்றி பெற்றது. தொடக்க ஜோடி ஷிகர் தவான் 113 பந்துகளில் 9 பவுண்டரிகளுடன் 81 ரன்களும், ஷுப்மான் கில் 72 பந்துகளில் 10 பவுண்டரிகள் மற்றும் ஒரு சிக்சருடன் 82 ரன்களும் எடுத்தனர். ஷிகர் தவான் தனது 38வது ஒருநாள் அரை சதத்தையும், ஷுப்மான் கில் தனது மூன்றாவது ஒருநாள் அரை சதத்தையும் அடித்தார்.

ஜிம்பாப்வே : 189/10 (40.3)
ரெஜிஸ் சகபாவா 35(51), ரிச்சர்ட் நகரவா 34(42), பிராட் எவன்ஸ்* 33(29)
அக்சர் படேல் 3/24, தீபக் சாஹர் 3/27, பிரசித் கிருஷ்ணா 3/50

இந்தியா : 192/0 (30.5)
சுப்மான் கில்* 82(72), ஷிகர் தவான்* 81(113)