“நான் இன்னும் காத்திருக்கிறேன்” – ஐபிஎல் 2022 ன் அதிரடிக்குப் பிறகு CSK பற்றிய வைரலான தினேஷ் கார்த்திக்கின் அன்றைய கருத்து…!
இந்தியன் பிரீமியர் லீக்கின் 2022 பதிப்பு தற்போது நடைபெற்று வருகிறது, இந்த ஆண்டு ஐபிஎல்லில் இதுவரை சிறப்பாக செயல்பட்டவர்களில் ராயல் சேலஞ்சர்ஸ் பெங்களூர் அணியின் விக்கெட் கீப்பர் பேட்டர் தினேஷ் கார்த்திக் முக்கியமானவர்
இந்தநிலையில் சிஎஸ்கே பற்றி தினேஷின் பழைய கருத்து ஒன்று தற்போது வைரலாகி வருகிறது.
இந்த ஆண்டு RCB அணிக்காக கார்த்திக் அற்புதங்களைச் செய்து கொண்டிருந்தாலும், அவரது சொந்த மாநிலத்து சென்னை சூப்பர் கிங்ஸ் ஐபிஎல் 2022 புள்ளிகள் அட்டவணையில் 9 இல் பின்தங்கியுள்ளது. CSK இந்த சீசனின் முதல் ஆறு போட்டிகளில் இதுவரை ஒரு வெற்றியை மட்டுமே பெற்றுள்ளது.
CSK இன் செயல்திறன் குறைவாகவும், கார்த்திக்கின் செயல்திறன் அதிகமாகவும் இருக்கும்போது, RCB நட்சத்திரத்தின் பழைய கருத்து ஒன்று ஆன்லைனில் மீண்டும் வைரலாகியுள்ளது.
2020 இல் Cricbuzz உடனான நேர்காணலின் போது CSK க்காக விளையாடும் விருப்பத்தை கார்த்திக் வெளிப்படுத்தினார்.
அவர் கூறியது இங்கே:
“2008 ஆம் ஆண்டில், நான் ஆஸ்திரேலியாவில் இருந்தேன், ஏலத்திற்கு முன்னதாக, தினேஷ் கார்த்திக் ஆகிய என்னை நிச்சயமாக, அவர்கள் (சிஎஸ்கே) என்னைத் தேர்ந்தெடுக்கப் போகிறார்கள் என்பதுதான் என் நம்பிக்கை” என கார்த்திக் தெரிவித்திருந்தார்.
2008-ல் சிஎஸ்கே தன்னை கேப்டனாக நியமிக்கலாம் என்றும் தினேஷ் கார்த்திக் யோசித்துக்கொண்டிருந்தார்.
தினேஷின் மனதில் ஒரே ஒரு கேள்வி இருந்தது, சிஎஸ்கே அவரை கேப்டனாக்குமா இல்லையா என்பதுதான். இருப்பினும், சென்னை அவரை வாங்கவில்லை, மாறாக எம்எஸ் தோனிக்கு சென்றது. டெல்லி டேர்டெவில்ஸ் கார்த்திக்கை ஏலத்தில் சேர்த்தது. தினேஷ் அதன் பின்னர் பல அணிகளுக்காக விளையாடியுள்ளார், ஆனால் CSK க்காக மட்டும் விளையாடவேயில்லை.
“அவர்கள் என்னை பின்னர் தேர்ந்தெடுப்பார்கள் என்று நினைத்தேன். 13 வருடங்கள் ஆகிவிட்டன, இன்னும் சிஎஸ்கேயின் அந்த மழுப்பலான அழைப்பிற்காக காத்திருக்கிறேன்,” என்று கடந்த மெகா ஏலத்திற்கு முன்னரும் கார்த்திக் கருத்து தெரிவித்திருந்தமை குறிப்பிடத்தக்கது.
