பங்களாதேஷ் கிரிக்கெட் சபை (BCB) முன்னாள் இந்திய வீர்ர் ஸ்ரீதரன் ஸ்ரீராமை வரவிருக்கும் ஆசியக் கோப்பை 2022 மற்றும் அக்டோபர்-நவம்பரில் நடைபெறவுள்ள T20 உலகக் கோப்பைக்கான தலைமைப் பயிற்சியாளராக நியமித்துள்ளது.
பயிற்சியாளர் பதவிக்கு ஸ்ரீராமின் நியமனத்தை உறுதி செய்த BCB இயக்குனர் இந்த செய்தியை அதிகாரப்பூர்வமாக உறுதிப்படுத்தியுள்ளார்.
அதே நேரத்தில் தற்போதைய பயிற்சியாளர் ரஸ்ஸல் டொமிங்கோவை நீக்கவில்லை என்றும், இரண்டு போட்டிகள் கொண்ட டெஸ்டில் நவம்பரில் இந்தியாவை சந்திக்க தயாராகும் போது, வங்கதேச வீரர்களை சிவப்பு பந்து கிரிக்கெட்டில் வழிநடத்துவதில் அவர் தொடர்ந்து இணைந்திருப்பார் என்றும் BCB தெளிவுபடுத்தியுள்ளது.
ஆசிய கோப்பை 2022 ஆகஸ்ட் 27 அன்று தொடங்குகிறது, பங்களாதேஷ் அணி இலங்கை, ஆப்கானிஸ்தானை எதிர்கொள்கிறது. ஆகஸ்ட் 30 அன்று ஷார்ஜாவில் ஆப்கானிஸ்தானுக்கு எதிராக பங்களாதேஷ் தனது போட்டியை தொடங்குகிறது.
உலகக் கோப்பை வரை ஸ்ரீராமைத் தேர்ந்தெடுத்துள்ளோம்” “நாங்கள் ஒரு புதிய மனநிலையுடன் முன்னேறி வருவதால், புதிய பயிற்சியாளர் ஆசிய கோப்பையில் இருந்தே இணைவது சிறப்பு. மேலும் டி20 உலகக் கோப்பை எங்கள் முக்கிய இலக்கு என்பதால், அவர் (புதிய பயிற்சியாளர்) ஆசிய கோப்பையில் இருந்து இணைக்கப்படவில்லை என்றால் அவருக்கு அணியை மாற்றியமைக்க நேரம் கிடைக்காது.
ஸ்ரீராம் 2000 முதல் 2004 வரை எட்டு ஒருநாள் சர்வதேசப் போட்டிகளில் மட்டுமே விளையாடியதால் இந்திய அணிக்கு புகழையும் செல்வத்தையும் ஈட்ட அவரால் முடியவில்லை.
அவர் ஆஸ்திரேலியாவின் உதவியாளராகவும், சுழற்பந்து வீச்சு பயிற்சியாளராகவும் கணிசமான காலம் பணியாற்றினார். முன்னாள் ஆல்-ரவுண்டரும் இரண்டு முறை உலகக் கோப்பை வென்றவருமான டேரன் லீமன் தலைமைப் பயிற்சியாளராக இருந்தபோது, அவர் ஆஸிஸின் சுழற்பந்து வீச்சு பயிற்சியாளராக இருந்ததுடன் கடந்த மாதம் அந்த பணிகளில் இருந்து விலகியிருந்தமை குறிப்பிடத்தக்கது.
