மஹேலவுக்கு இலங்கை கிரிக்கெட்டில் அதிகரிக்கும் பொறுப்புக்கள்- தெளிவுபடுத்துகிறார் அரவிந்த..!
இலங்கை கிரிக்கெட் அணியின் முன்னாள் கேப்டன் மஹேல ஜயவர்தன உலகக் கோப்பை சுற்றுப்பயணத்திற்கான தேர்வுக் குழு கூட்டங்களில் கலந்து கொள்ள தகுதியானவர் என்று தொழில்நுட்ப ஆலோசனைக் குழுவின் தலைவர் அரவிந்த டி சில்வா தெரிவித்தார்.
இலங்கை, டெய்லி மிரரின் கருத்துப்படி, தேர்வாளர்கள் ஏற்கனவே உலகக் கோப்பை அணியை தேர்ந்தெடுத்துள்ளனர், சமீபத்தில் ஆலோசகராக நியமிக்கப்பட்ட மஹேல இது தொடர்பாக எதுவும் செய்ய முடியாது என்றார்.
“ஆனால், இறுதி பதினொருவர் அணியை தேர்ந்தெடுப்பதில் மஹேல ஈடுபடுவார் என அரவிந்த கருத்து வெளியிட்டுள்ளார். மஹேல இப்போது அதிகாரப்பூர்வமாக அணியின் ஒரு பகுதியாக இருக்கிறார் மற்றும் அவரது அறிவும், நிபுணத்துவமும் போட்டி உத்திகளை அமைப்பதில் பயன்படுத்தப்படும் மற்றும் அவர் சுற்றுப்பயணத்தில் தேர்வுக் குழு கூட்டங்களில் கலந்து கொள்ளலாம் எனவும் அரவிந்த விளக்கினார்.
மஹேலவினுடைய விருப்பம் நிச்சயமாக பரிசீலிக்கப்படும் எனவும் அவர் தெரிவித்தார்.
அக்டோபர் 16-23 வரையில் மஹேலவின் நியமனம் ஒரு குறிப்பிட்ட காலத்திற்கு மட்டுமே என்பதும் முக்கியமானது. ஐபிஎல்-க்குப் பிறகு மஹேல தனது குடும்பத்துடன் சிறிது நேரம் செலவழிக்க விரும்புவதாகவும், யு -19 அணியுடனான தனது முந்தைய உறுதிப்பாட்டை நிறைவேற்ற விரும்புவதாகவும், அதனால் அவர் நீண்ட காலத்திற்கு தேசிய அணியுடன் இருக்க அழுத்தம் கொடுக்கப்படவில்லை என்றும் அரவிந்த டீ சில்வா கருத்து வெளியிட்டுள்ளார்.
எங்களுடைய YouTube தளத்தை Subscribe செய்து கொள்ளுங்கள்.
?????
இதற்கிடையில், எஸ்எல்சி யின் தொழில்நுட்ப ஆலோசனைக் குழுவின் மற்ற இரண்டு உறுப்பினர்களான முத்தையா முரளிதரன் மற்றும் குமார் சங்கக்கார ஆகியோர் ஏற்கனவே ஐபிஎல் பணிகளுக்காக ஐக்கிய அரபு அமீரகத்தில் உள்ளனர், ஆனால், அவர்கள் உலகக் கோப்பை காலம் முழுவதும் அங்கு இருக்கமாட்டார்கள்.
சங்ககரா இங்கிலாந்தில் உள்ள தனது குடும்பத்துடன் இணைவார், அதேசமயம் முரளிதரன் தனது சன்ரைசர்ஸ் ஹைதராபாத் அணிக்கான போட்டிகளை முடித்தவுடன் தனது குடும்பத்துடன் கொழும்புக்கு திரும்பலாம் எனவும் அறியப்படுகிறது.
ஆகமொத்தத்தில் மஹேல ஜெயவர்த்தன இலங்கை கிரிக்கெட் அணியின் முடிவுகளை எடுப்பதில் முக்கிய புள்ளியாகவும், தீர்மானங்களை பரிந்துரைப்பதில் முக்கிய நபராகவும் இருப்பார் என்பதை அரவிந்த குறிப்பிட்டுள்ளமை கவனிக்கத்தக்கது.
