லஹிரு குமார, லிட்டன் தாஸ் ஆகியோருக்கு தண்டனையை அறிவித்தது ICC – விபரம்..!
நேற்று நடைபெற்ற குரூப் B, சூப்பர் 12 ஆட்டத்தில் இலங்கை மற்றும் பங்களாதேஷ் அணிகளுக்கு இடையே ஷார்ஜாவில் இடம்பெற்ற போட்டியில் , இலங்கை பந்துவீச்சாளர் லஹிரு குமார மற்றும் வங்கதேச வீரர் லிட்டன் தாஸ் இருவருக்கும் ஐசிசி ஒழுக்க மீறலுக்காக அபராதம் விதித்துள்ளது.
வீரர்கள் மற்றும் வீரர் ஆதரவுப் பணியாளர்களுக்கான ஐசிசி நடத்தை விதி 2.5 ஐ மீறியதற்காக லஹிரு குமார குற்றவாளியாகக் கண்டறியப்பட்டார், இது “மொழி, செயல்கள் அல்லது சைகைகளைப் பயன்படுத்தி இழிவுபடுத்துவது எனும் குற்றத்துக்குள் ஆளாகியுள்ளார்.
வீரர்கள் மற்றும் வீரர் ஆதரவு பணியாளர்களுக்கான ஐசிசி நடத்தை விதி 2.20 விதியை மீறியதற்காக பங்களாதேஷ் வீரர் லிட்டன் தாஸ் குற்றவாளி என கண்டறியப்பட்டது,
பங்களாதேஷ் இன்னிங்சில் லிட்டன் தாஸ் வெளியேற்றப்பட்ட ஐந்தாவது ஓவரில், லஹிரு குமார அவருடன் வாய்தகராறில் ஈடுபட்டார்.
பந்துவீச்சாளர் குமாரவால் சீண்டப்பட்ட லிட்டன் தாஸ், கிரிக்கெட்டின் நடத்தைக்கு முரணான வகையில் ஆக்ரோஷமாக பதிலளித்தார்.
இதனால் லஹிரு குமாரவின் போட்டி கட்டணத்தில் 25% அபராதம் விதிக்கப்பட்டது மற்றும் 1 தண்டப் புள்ளியைப் பெற்றார்.
தாஸுக்கு போட்டி கட்டணத்தில் 15% அபராதம் விதிக்கப்பட்டது மற்றும் 1 தண்டப் புள்ளியும் கிடைத்தது.
குமார மற்றும் தாஸ் இருவரும் குற்றங்களை ஒப்புக்கொண்டனர் மற்றும் முன்மொழியப்பட்ட தடைகளை ஏற்றுக்கொண்டனர், எனவே முறையான விசாரணை தேவையில்லை என போட்டி தீர்ப்பாளர் ஜவகல் ஸ்ரீநாத் அறிவித்துள்ளார்..
களத்தில் உள்ள நடுவர்கள் ஜோயல் வில்சன் மற்றும் அட்ரியன் ஹோல்ட்ஸ்டாக், 3 வது நடுவர் மைக்கேல் கோக் மற்றும் 4 வது நடுவர் ராட் டக்கர் ஆகியோர் இந்த குற்றச்சாட்டுகளை இருவர் மீதும் சுமத்தினர்.
நேற்றைய இந்த சம்பவத்துக்கு பின்னர் தாஸ் இரு பிடியெடுப்புக்களையும் தவறவிட்ட நிலையில், இலங்கை அணி சிறப்பாக 5 விக்கெட் வித்தியாசத்தில் வெற்றியை தனதாக்கியமை குறிப்பிடத்தக்கது.
