நியூசிலாந்திற்கு எதிரான உலக டெஸ்ட் சாம்பியன்ஷிப்பின் இறுதிப் போட்டிக்கு இந்தியா தயாராகி வருவதால், பல கிரிக்கெட் பண்டிதர்கள் இந்திய அணித்தலைவர் விராட் கோலியை இந்திய அணியின் மிக முக்கியமான வீரர் என்று பாராட்டியுள்ளனர்.
இருப்பினும், முன்னாள் பாகிஸ்தான் சுழற்பந்து வீச்சாளர் டேனிஷ் கனேரியா, WTC இறுதிப் போட்டியில் இந்தியாவுக்கு ரோஹித் சர்மா மிகவும் முக்கியத்துவம் வாய்ந்தவராக இருப்பார் என்று அவர் கருத்து வெளியிட்டுள்ளார்.
தனது யூடியூப் சேனலில் பேசிய கனேரியா, கோஹ்லியை விட ரோஹித் ஒரு சிறந்த நுட்பத்தைக் கொண்டிருப்பதாகவும், மிகவும் திறமையானவர் என்றும் கூறினார். சமீபத்தில் ஒரு பெரிய ஸ்கோரைப் பெறுவதில் அவர் வெற்றிபெறவில்லை என்றாலும், உலக டெஸ்ட் சாம்பியன்ஷிப் இறுதி போட்டியில் அவர் இரட்டை சதம் அடிக்கக்கூடும் என்று அவர் மேலும் கூறினார்.
“கோஹ்லி முற்றிலும் வேறுபட்ட வகுப்பைச் சேர்ந்தவர் என்பதில் சந்தேகமில்லை, ஆனால் அவரை விட தொழில்நுட்ப அணுகுமுறையில் ரோஹித் சிறந்தவர் என்று நான் நினைக்கிறேன்.
கோஹ்லி ஒரு சூப்பர் ஸ்டார், ஆனால் ரோஹித் பெரிய Score பெறுவதில் ஒரு திறமை கொண்டவர். சிறிது நேரத்தில் அது நடக்கவில்லை என்றாலும், ஒவ்வொரு பெரிய வீரரும் முக்கியமான போட்டிகளில் சாதிப்பார்கள் . அவர் இரட்டை சத்தம் பெற வாய்ப்பிருக்கிறது ”என்று கனேரியா கூறினார்.
வெளிநாட்டு ஆடுகளங்களில் ரோஹித்தின் செயல்பாடு குறித்து அடிக்கடி கேள்வி எழுப்பப்படுகிறார். இருப்பினும், சவுத்தாம்ப்டனில் உள்ள ஆடுகளம் இந்திய தொடக்க வீரருக்கு ஏற்றதாக இருக்கும் என்றும், பாகிஸ்தான் லெக் ஸ்பின்னர் நம்புகிறார்.
“சவுத்தாம்ப்டனில் உள்ள விக்கெட் அவருக்கு பொருந்தும், அவர் ஒரு முக்கிய வீரர் என்று நான் நம்புகிறேன். அவர் ஓட்டங்கள் எடுப்பது முக்கியம், அவர் பெரிய ரன்கள் எடுப்பார் என்று நான் நம்புகிறேன்,
ஏனென்றால் அவர் அந்த வகையான வீரர். ஆஸ்திரேலியாவில், அவர் பெரிய Score பெற முடியாதுபோனது , ஆனால் அவரால் முடியாது என்று அர்த்தமல்ல. ரோஹித் பேட்டிங்கில் இந்தியாவுக்கு முக்கிய வீரராக இருப்பார் ”என்று கனேரியா குறிப்பிட்டுள்ளமை கவனிக்கத்தக்கது.
