ஆசியக் கோப்பையின் சூப்பர் 4 சுற்றுப் போட்டியின் இரண்டாவது ஆட்டம் பாகிஸ்தான் மற்றும் இந்திய அணிகளுக்கு இடையே இன்று நடைபெற்றது. துபாயில் நடைபெற்ற இப்போட்டியில் toss வென்ற பாகிஸ்தான் அணி முதலில் பந்துவீச்சை தேர்வு செய்தது.
இதனடிப்படையில் களம் இறங்கிய இந்திய அணி நிர்ணயிக்கப்பட்ட இருபது ஓவர்கள் முடிவில் 7 விக்கெட்டுகளை இழந்து 181 ரன்கள் எடுத்தது. கேப்டன் ரோகித் சர்மா மற்றும் லோகேஷ் ராகுல் ஆகியோர் தொடக்க விக்கெட்டுக்கு 54 ரன்கள் சேர்த்தனர், இருவரும் தலா 28 ரன்கள் எடுக்க முடிந்தது.
இந்திய இன்னிங்ஸின் ஆணிவேராக விளங்கும் முன்னாள் கேப்டன் விராட் கோலி 44 பந்துகளில் 4 பவுண்டரிகள், ஒரு சிக்சருடன் 60 ரன்கள் குவித்தார்.
முகமது ஹஸ்னைன், இந்திய பேட்ஸ்மேன் ஹர்திக் பாண்டியாவால் தலைவலி ஏற்படுவதற்கு முன்பு அவரை வெளியேற்றுவதை உறுதி செய்தார். கோஹ்லி, சர்மா, ராகுல் ஆகியோரைத் தவிர வேறு எந்த இந்திய வீரர்களையும் 20 ரன்களைக் கடக்க பாகிஸ்தான் பந்துவீச்சாளர்கள் அனுமதிக்கவில்லை. பந்துவீச்சில் பாகிஸ்தான் அணி சார்பாக ஷதாப் கான் 31 க்கு 3 விக்கெட்டுகளைக் கைப்பற்றினார்.
பாகிஸ்தான் கேப்டன் பாபர் ஆசாமை 14 ரன்களில் ரவி பிஷ்னோய் வெளியேற்றினார். ஃபகார் சமனும் 15 ரன்களை மட்டுமே எடுக்க முடிந்தது.
பாகிஸ்தான் விக்கெட் கீப்பர் ரிஸ்வானுடன் முகமது நவாஸ் வேகமாக பேட்டிங்கில் தாக்குதல் பாணியில் ஈடுபடத் தொடங்கினார். முகமது நவாஸ் 20 பந்துகளில் 6 பவுண்டரிகள் மற்றும் 2 சிக்ஸர்களுடன் 42 ரன்கள் எடுத்தார்.
தொடக்க ஆட்டக்காரர் முகமது ரிஸ்வான் 51 பந்துகளில் 6 பவுண்டரிகள் 2 சிக்ஸர்களுடன் 71 ரன்கள் குவித்து பாகிஸ்தான் இன்னிங்ஸின் ஆணிவேராக ஆனார். 19.5 ஓவர்கள் முடிவில் பாகிஸ்தான் அணி 5 விக்கெட்டுகளை மட்டும் இழந்து வெற்றி இலக்கை எட்டியது.
குஷ்தில் ஷா ஆட்டமிழக்காமல் 14 ரன்களும், ஆசிப் அலி 16 ரன்களும் எடுத்தனர். ஆட்டத்தின் 18வது ஓவரில், அர்ஷதீப்பிடம் ஆசிப் அலி கொடுத்த கேட்ச்சை இந்தியா தவறவிட்டது.
இந்த வெற்றியின் மூலம் சூப்பர் 4 அணிகள் கொண்ட புள்ளிப்பட்டியலில் இலங்கையை தொடர்ந்து பாகிஸ்தான் இரண்டாவது இடத்தைப் பிடித்தது.
எமது YouTube தளத்துக்கு செல்ல ?