இரு கைகளாலும் பந்துவீச்சும் வீரத்தமிழன்- அவுஸ்திரேலிய கிரிக்கெட்டை கலக்க வருகிறார்…!
ஆஸ்திரேலிய கிரிக்கெட் வரலாற்றில் முதன் முதலாக இரண்டு கைகளாலும் பந்து வீசக்கூடிய அபூர்வ சாதனையாளர் ஒருவர் மாநில மட்டத்திலான அணியில் உள்வாங்கப்பட்டுள்ள செய்தியை கிரிக்கெட் அவுஸ்திரேலிய இணையத்தளம் பிரசுரித்துள்ளது.
சென்னையில் பிறந்து பத்து வயதில் ஆஸ்திரேலியா,சிட்னிக்கு புலம்பெயர்ந்த நிவேதன் ராதாகிருஷ்ணன், சிறுவயதிலிருந்தே தனது அபாரமான கிரிக்கெட் திறமையை வெளிக்காட்டி எல்லோரது கவனத்தையும் ஈர்த்திருக்கிறார்.
இரண்டு கைகளாலும் பந்து வீசக்கூடிய இவரது அசாத்திய திறமையின் முன்னால் 16 வயதுக்கு உட்பட்ட ஆஸ்திரேலிய அணியில் இவர் இணைத்துக்கொள்ளப்பட்டு, டுபாயில் நடைபெற்ற பாகிஸ்தான் அணிக்கு எதிரான ஆட்டங்களில் 2019 இல் பங்குபற்றி திறமையை வெளிக்காட்டியுள்ளமை கவனிக்கத்தக்கது.
கடந்த மாதம் சிட்னியில் உள்ள ஹோட்டல் தனிமைப்படுத்தலில் இருந்து, மாலைத்தீவு வழியாக இந்தியன் பிரீமியர் லீக்கில் இருந்து வெளியேறி பாதுகாப்பாக வெளிவந்த 40 ஆஸ்திரேலியர்களில், நிவேதன் ராதாகிருஷ்ணன் ஒருவராய் இருந்ததை இப்போதுதான் எல்லோராலும் அறிய முடிகின்றது.
பொண்டிங் தலைமை பயிற்சியாளராக இருக்கும் டெல்லி கெப்பிட்டல்ஸ் அணியின் வலைப்பயிற்சிகளுக்கு இவரும் ஒரு பந்து வீச்சாளராக செயலாற்றியுள்ளார்.
நான் மற்ற குழந்தைகளைப் போல இல்லை என்கிறார் 18 வயது நிவேதன். “நான் மற்றவர்களைப் போல இல்லை. நான் மற்ற கிரிக்கெட் வீரர்களைப் போல இல்லை. நான் நன்றாக இல்லை , நான் மோசமாக இல்லை – ஆனால் நான் வித்தியாசமாக இருக்கிறேன்.” என்று குறிப்பிடுகின்றார் நிவேதன்.
2019 ஆம் ஆண்டில் பாகிஸ்தானுக்கு எதிராக டுபாயில் ஆஸ்திரேலியா 16 வயதுக்குட்பட்ட அணிக்காக விளையாடுவதை முதன்முதலில் பார்த்த டெல்லி கேப்பிட்டல்ஸ் அணியினர் , அவரை வலைப் பந்து வீச்சாளராக இருக்க ஏற்பாடு செய்திருந்தது.
ஒரு வழக்கமான நாள் ஆக்சர் படேலுடன், ஸ்டீவ் ஸ்மித், மார்கஸ் ஸ்டோனிஸ் மற்றும் ஷிம்ரான் ஹெட்மியர் ஆகியோருக்கும் பந்துவீசியுள்ளேன் எனவும் தெரிவித்தார்.
நிவேதன் கணிசமான திறனைக் கொண்ட ஒரு ஆரம்ப வீரராக இருப்பதோடு மட்டுமல்லாமல், அவர் ஒரு சுழல் பந்து வீச்சாளராகவும் இருக்கிறார், அவர் விளையாட்டில் இரு கைகளாலும் பந்து வீசுகிறார்.
“ஒரு கிரிக்கெட் வீரராக எனது உருவத்தைப் பற்றி நான் பல விஷயங்களைச் சமாளிக்கவும், தொடர்பு கொள்ளவும் அனுபவிக்கவும் வேண்டியிருந்தது” என்று அவர் கூறுகிறார். “நான் 18 வயதாக இருந்தபோதிலும், கிட்டத்தட்ட 15 ஆண்டுகளாக கிரிக்கெட்டை தீவிரமாக விளையாடியுள்ளேன் எனவும் நிவேதன் கருத்து வெளியிட்டார்.
‘நீங்கள் இரு கைகளாலும் பந்து வீசுவது ஒரு வித்தை, துணையாக இருக்கிறது’ என்று மக்கள் என்னிடம் சொல்லியிருக்கிறார்கள், நான் அனுபவம் வாய்ந்த கிரிக்கெட் வீரர்களை சந்தித்திருக்கிறேன்.
நிவேதன் இன்னும் சர் கார்பீல்ட் சோபர்ஸ் இல்லை என்பது தெரியும்; 2019-20 ஆம் ஆண்டில் ஹாக்ஸ்பரிக்கு இரண்டு முதல் தர சதங்களை அடித்த பின்னர், அவர் கடந்த சீசனில் சிட்னி பல்கலைக்கழகத்திற்கான போட்டிகளில் துடுப்பாட்டத்தில் சராசரியாக 11 ஓட்டங்களை மட்டுமே எடுத்தார், இருப்பினும் 20.09 எனும் சராசரியில் 23 விக்கெட்டுகள் கைப்பற்றியுள்ளதன் மூலமாக சர்வதேச கிரிக்கெட்டில் மிகச்சிறந்த சகலதுறை வீரராக வர முடியும் எனும் நம்பிக்கையை வலுவாக கொண்டிருக்கின்றார்.
“பந்து வீசக்கூடிய தொடக்க ஆட்டக்காரராக இருப்பதில் நான் மகிழ்ச்சியடைகிறேன் எனவும் நிவேதன் ஒரு பேட்டியில் குறிப்பிட்டுள்ளார்,
தற்போது, இருபது வயதாகும் நிவேதனை, தஸ்மேனிய மாநிலத்தின் அணி, 2021 – 2022 ஆம் ஆண்டுக்கான போட்டிகளுக்கு ஒப்பந்த அடிப்படையில் இணைத்துள்ளது.
ரிக்கி பொண்டிங்கின் பார்வையில் பட்டிருக்கும் நிவேதன் நிச்சயமாக அடுத்துவரும் காலங்களில் IPL போட்டிகள் மட்டுமல்லாது அவுஸ்திரேலிய கிரிக்கெட்டிலும் கலக்குவார் என்று நம்புவோம்.
சென்னை தமிழன் அவுஸ்திரேலிய கிரிக்கெட்டை ஆள நாமும் வாழ்த்துவோம்.
