ஸ்ரீலங்கா கிரிக்கெட் (SLC) அதிகாரிகளுக்கும் தேசிய அணிக்கும் இடையிலான கலந்துரையாடல்கள் சாதகமான நிலையை எட்டியுள்ளன, வீரர்கள் இங்கிலாந்து சுற்றுப்பயணத்திற்கு முன்னதாக ஒரு குறித்த சுற்றுப்பயண ஒப்பந்தத்தில் மட்டும் கையெழுத்திட ஒப்புக் கொண்டதாகக் கூறப்படுகிறது.
அறிக்கையின்படி, அவர்களின் வருடாந்த ஒப்பந்தங்கள் தொடர்பான பிரச்சினை சுற்றுப்பயணம் முடிந்த பின்னர் தீர்க்கப்பட உள்ளதாக்க அறிய வருகின்றது..
ஸ்ரீலங்கா கிரிக்கெட் (எஸ்.எல்.சி) நிர்வாகத்தால் வரையப்பட்ட வருடாந்த ஒப்பந்தங்களில் ஒரு வெளிப்படைத்தன்மை விதி குறித்து அவர்கள் குறிப்பாக கவலைகளை எழுப்பியிருந்தனர்.
இன்று முன்னதாக, தாஜ் சமுத்திர ஹோட்டலில் இலங்கை கிரிக்கெட் வீரர்கள் மற்றும் ஸ்ரீலங்கா கிரிக்கெட் அதிகாரிகள் இடையே ஒப்பந்த பிரச்சினை தொடர்பாக பதட்டமான சூழ்நிலை உருவாகியிருந்தது.
புதிய வருடாந்த ஒப்பந்தங்களில் வெளிப்படைத்தன்மை பிரச்சினைகள் தொடர்பாக ஒட்டுமொத்த ஒப்பந்தம் மற்றும் இங்கிலாந்து சுற்றுப்பயணத்திற்காக வழங்கப்பட்ட ஒப்பந்தங்களில் மட்டும் கையெழுத்திட கிரிக்கெட் வீரர்கள் ஆரம்பத்தில் மறுத்துவிட்டனர், ஆனால் சம்பளம் வழங்காவிட்டாலும் கூட போட்டியை விளையாட ஒப்புக்கொண்டனர்.
“நாங்கள் இப்போது வீரர்களுடன் ஒரு உடன்பாட்டை எட்டியுள்ளோம் என்று நினைக்கிறேன். அவர்கள் இங்கிலாந்திற்கு சுற்றுப்பயணம் மேற்கொள்வார்கள் ”என்று மூத்த ஸ்ரீ இலங்கை கிரிக்கெட் அதிகாரி ஒருவர் தெரிவித்தார். கிரிக்கெட் வீரர்களை பிரதிநிதித்துவப்படுத்தும் வழக்கறிஞர் நிஷான் பிரேமதிராத்ன ஆங்கில ஊடகமொன்றுக்கு பேட்டியளித்தார், ஆவணத்தில் வெளிப்படைத்தன்மை விதி சேர்க்கப்பட்டால் வீரர்கள் இங்கிலாந்து சுற்றுப்பயண அறிவிப்பில் கையெழுத்திடுவார்கள் என அவர் கருத்துரைத்தார்.
இங்கிலாந்து சுற்றுப்பயணம் நிறைவுக்கு வந்த பின்னர் வீரர்கள் ஒப்பந்தத்தில் கைச்சாத்திடுவது தொடர்பாக தீர்மானம் எட்டப்படும் எனவும் அவர் கருத்து தெரிவித்தார்.
முன்னதாக வீரர்களுக்கும் ஸ்ரீ லங்கா கிரிக்கெட் அதிகாரிகள் இடையிலான கூட்டத்தில் வீரர்கள் ஒப்பந்தத்தில் கைச்சாத்திடாவிட்டால் 3 ஆண்டுகள் விளையாட தடை விதிக்கப்படுவார்கள் என்றும், ஒப்பந்தத்தில் கையெழுத்திடாவிட்டால் ஹொட்டேல் அறைகளை காலி செய்து வெளியேறுமாறும் முன்னதாக வீரர்கள் வற்புறுத்தப்பட்டதாகவும் செய்திகள் வெளியாகின.
எது எவ்வாறாயினும் வீரர்கள் மற்றும் ஸ்ரீ லங்கா கிரிக்கட் தரப்பு என்பன ஒருவித இணக்கப்பாட்டுக்கு வந்துள்ளமை ரசிகர்களுக்கு நிம்மதியே, நாளை இலங்கை அணி இங்கிலாந்து நோக்கி பயணப்படவுள்ளமை குறிப்பிடத்தக்கது.
