இந்தியத் தொடருக்கு முன்னர் வருடாந்திர ஒப்பந்தத்தில் கையெழுத்திட முடியாது என்று வீரர்கள் சொன்னால், உயிர் குமிழியில் இருக்கும் 39 ஒப்பந்த வீரர்களிடமிருந்து வீரர்களைத் தேர்ந்தெடுப்பதாகும் என்று இலங்கை கிரிக்கெட் அணியின் பிரதம தேர்வாளர் பிரமோதய விக்ரமசிங்க கூறுகிறார்.
“இந்த வீரர்கள் தற்போது பயிற்சி மற்றும் போட்டிகளில் விளையாடுகிறார்கள், நாங்கள் அவர்களை இந்திய தொடருக்கான தேர்வுக்கு பரிசீலிப்போம். இந்தியாவுடனான தொடருக்கான அணியை நாங்கள் இன்னும் தேர்வு செய்யவில்லை, இங்கிலாந்துக்கு எதிரான மூன்றாவது மற்றும் இறுதி ஒருநாள் போட்டிக்குப் பிறகு நாங்கள் அதை செய்வோம், ”என்று ப்ரோமோதய விக்ரமசிங்க இலங்கையின் செய்திச்சேவை ஒன்றுக்கு கருத்து கூறினார்.
இங்கிலாந்து ஒருநாள் போட்டிக்குப் பிறகு இந்த விடயம் முடிவு செய்யப்படும் என்று விக்ரமசிங்க கூறினார்.
“ஒரு தலைவரைத் தேர்ந்தெடுப்பதில் சிக்கல் இருக்காது, ஏனெனில் நாங்கள் அணியைத் தேர்ந்தெடுத்தவுடன் அதிலிருந்து ஒரு தலைவரைத் தேர்வு செய்யலாம் எனவும் அவர் தெரிவித்தார்.
இதில் இங்கிலாந்து சுற்றுப்பயணத்தில் தேர்வாளராக இருக்கும் ரோமேஷ் கலுவிதரணாவுக்கு இதில் பெரிய பங்கு உண்டு. நாங்கள் அவருடன் மற்றும் பயிற்சி ஊழியர்கள், எஸ்.எல்.சி மற்றும் தொழில்நுட்ப மற்றும் ஆலோசனைக் குழுவுடன் பேச வேண்டும், நாங்கள் எவ்வாறு முன்னேற வேண்டும் என்பது குறித்து முடிவெடுக்க வேண்டும். ” அவர் தெரிவித்தார்.
சிரேஸ்ட கிரிக்கெட் வீரர்கள் அஞ்சலோ மேத்யூஸ், தினேஷ் சந்திமல், திமுத் கருணாரத்ன மற்றும் லஹிரு திரிமன்னே ஆகியோர் பயிற்சிக்கு அழைக்கப்படவில்ல என்பதால் இவர்கள் யாரும் இந்திய தொடரில் இடம்பெற வாய்பில்லை என்றே கருதப்படுகின்றது.
எது எவ்வாறாயினும் இலங்கையின் சிரேஷ்ட வீரர்கள் ஒப்பந்தத்தை நிராகரிப்பாரகளாக இருந்தால் சிக்கலில் மாட்டிக்கொள்வார்கள் என்பதே அவர்களுக்கான மறைமுக சமிக்ஞையாகும்.
