ICC தரவரிசை: டி20 பேட்டிங்கில் இஷான் கிஷன், அபிஷேக் சர்மா முதலிடங்களைப் பிடித்து உலக சாதனை!
இந்திய கிரிக்கெட் அணியின் விக்கெட் கீப்பர் மற்றும் அதிரடி ஆட்டக்காரரான இஷான் கிஷன் (Ishan Kishan), சர்வதேச கிரிக்கெட்டில் தனது அபாரமான மறுபிரவேசத்தின் (Comeback) மூலம் மிகப்பெரிய வரலாற்று வெற்றியைப் பதிவு செய்துள்ளார்.
உள்நாட்டுப் போட்டிகளில் (Domestic Performances) சிறப்பான ஆட்டத்தை வெளிப்படுத்தி மீண்டும் இந்திய அணியில் இடம் பிடித்த அவர், நியூசிலாந்துக்கு எதிரான தொடர் மற்றும் டி20 உலகக் கோப்பைத் தொடர்களில் கிடைத்த வாய்ப்புகளை மிகச் சரியாகப் பயன்படுத்திக் கொண்டார்.
இதன் மூலம், ஐசிசி ஆடவர் டி20 பேட்டிங் தரவரிசையில் 871 ரேட்டிங் புள்ளிகளுடன் உலகளவில் 2ஆம் இடத்திற்கு முன்னேறி அசத்தியுள்ளார்.
இந்த அதிரடித் தொடரின் மூலம் இஷான் கிஷன் தரவரிசையில் 65-வது இடத்தில் இருந்து பாய்ந்து, உலகின் நம்பர்-2 டி20 பேட்டராக உருவெடுத்துள்ளார்.
தற்போது இஷான் கிஷனுக்கு முன்னதாக மற்றொரு இந்திய இளம் வீரரான அபிஷேக் சர்மா (Abhishek Sharma) 875 புள்ளிகளுடன் உலக அளவில் முதலிடத்தில் நீடிக்கிறார்.
இதன் மூலம், சர்வதேச டி20 பேட்டிங் தரவரிசையில் உலகின் முதல் இரண்டு இடங்களையும் இந்திய வீரர்களே ஆக்கிரமித்து ஒட்டுமொத்த கிரிக்கெட் உலகிலும் இந்தியாவின் ஆதிக்கத்தை நிலைநிறுத்தியுள்ளனர்.
#Cricket #Ishankishan
