இங்கிலாந்து அணிக்கும் இந்திய அணிக்கும் இடையிலான மூன்றாவது டெஸ்ட் கிரிக்கெட் போட்டியின் இரண்டாம் நாள் ஆட்டம் ராஜ்கோட்டில் இன்று (16) முடிவடைந்தது.
நாள் முடிவில் தனது முதல் இன்னிங்சை விளையாடி வரும் இங்கிலாந்து அணி 2 விக்கெட் இழப்புக்கு 207 ரன்கள் எடுத்துள்ளது. போட்டியில் முதலில் துடுப்பெடுத்தாடிய இந்திய அணி 445 பெற்றது. அதன்படி இங்கிலாந்து முதல் இன்னிங்சில் 238 ரன்கள் பின்தங்கியுள்ளது.
இங்கிலாந்து இன்னிங்ஸை ஆரம்பித்த சாக் க்ரோலி மற்றும் பென் டக்கெட் முதல் விக்கெட்டுக்கு 89 ரன்களின் பார்ட்னர்ஷிப்பை உருவாக்க, குரோலி 15 ரன்களில் ஆட்டமிழந்தார்.
வேகமான இன்னிங்ஸை ஆடி வரும் பென் டக்கெட் 118 பந்துகளை சந்தித்து தற்போது 133 ரன்களுடன் ஆட்டமிழக்காமல் உள்ளார். இரண்டு சிக்ஸர்கள் மற்றும் 21 பவுண்டரிகள் அவரது இன்னிங்ஸை வண்ணமயமாக்கியுள்ளன. ஜோ ரூட் 9 ரன்களில் உள்ளார்.
ரவிச்சந்திரன் அஷ்வின் மற்றும் முகமது சிராஜ் ஒவ்வொரு விக்கெட்டுகளை வீழ்த்தினர். இன்று அஷ்வின் வீழ்த்திய விக்கெட் மூலம், அவர் இதுவரை 500 டெஸ்ட் விக்கெட்டுகளை வீழ்த்திய பட்டியலில் இணைந்தார்.
இன்று ஆட்டம் தொடங்கும் போது, தனது முதல் இன்னிங்ஸை விளையாடிய இந்தியா 5 விக்கெட் இழப்புக்கு 326 ரன்கள் எடுத்திருந்த நிலையில், குல்தீப் யாதவ் 4 ரன்களில் முதல் விக்கெட்டாக ஆட்டமிழந்தார்.
112 ரன்கள் எடுத்திருந்த நிலையில் 7-வது விக்கெட்டாக ரவீந்திர ஜடேஜா ஆட்டமிழந்தார். துருவ் ஜூரல் 46 ரன்களும், ரவிச்சந்திரன் அஷ்வின் 37 ரன்களும், ஜஸ்பிரித் பும்ரா 26 ரன்களும் எடுத்து பின்வரிசையை பலப்படுத்தினர்.
நேற்று இந்திய அணியில் கேப்டன் ரோகித் சர்மா 131 ரன்களும் சர்பராஸ் கான் 62 ரன்களும் சேர்த்தனர்.
பந்துவீச்சில் இங்கிலாந்து அணி சார்பாக மார்க் வுட் 114 ரன்களுக்கு 4 விக்கெட்டுகளைக் கைப்பற்றினார்.
