சன்ரைசர்ஸ் ஹைதராபாத் அணிக்கு எதிரான 2022 ஐபிஎல் மோதலின் போது ரிங்கு வெளியேற்றப்பட்டதைத் தொடர்ந்து DRS மதிப்பாய்வு மறுக்கப்பட்ட பின்னர், கொல்கத்தா நைட் ரைடர்ஸ் வீர்ர்கள் ரிங்கு சிங் மற்றும் சாம் பில்லிங்ஸ் கள நடுவர்கள் மற்றும் எதிரணி கேப்டன் கேன் வில்லியம்சனுடன் வார்த்தைப்போரில் ஈடுபட்டனர்.
டி நடராஜனின் இரண்டாவது ஓவரின் மூன்றாவது பந்து, ரிங்குவின் துடுப்பைத் தவறவிட்ட ஒரு யார்க்கராக இருந்தது, மேலும் அவரது கால்விரலில் அடிபட்டது. நடராஜன் உடனடியாக மேல்முறையீட்டிற்குச் சென்றார், நடுவர் அசையாமல் இருந்ததால் ஆரம்பத்தில் ஆச்சரியப்பட்டார். இருப்பினும், அவர் விரைவிலேயே விரலை உயர்த்தி, ரிங்குவை வெளியேற்றினார்.
ரிங்கு DRS மதிப்பாய்வுக்கு சமிக்ஞை செய்ததாகத் தெரிகிறது, ஆனால் 15-வினாடி கடந்தபின்னரே DRS கேட்டதால் பிறகு கள நடுவர்களால் மறுக்கப்பட்டார்.
வர்ணனையாளர் Pommie Mbangwa கருத்துப்படி, ஸ்ட்ரைக்கர் அல்லாத பில்லிங்ஸ் 15-வினாடி காலக்கெடுவுக்குள் DRS சிக்னல் கொடுத்தார், ஆனால் DRS கேட்க வேண்டியது ஸ்ட்ரைக்கர் (ரிங்கு சிங்) என்பதால் கோரிக்கை பரிசீலிக்கப்படவில்லை என தெளிவூட்டினார்.
“பீல்டிங் fielding செய்யும்போது DRS கேட்பது கேப்டனாக இருக்க வேண்டும், ஆனால் நீங்கள் பேட்டிங் செய்யும்போது, DRS கேட்பது அது பேட்டராக இருக்க வேண்டும் என்பது தெளிவாகிறது. அது ஸ்ட்ரைக்கராகவோ அல்லது வேறு யாராகவோ இருக்க முடியாது என தீப் தாஸ்குப்தா வர்ணனையில் தெரிவித்தார்.
இருப்பினும், ரிங்கு டிஆர்எஸ் எடுத்திருந்தால் கூட பலன் கிடைத்திருக்காது, ரீப்ளேக்கள் மூன்று சிவப்பு நிறங்களைக் காட்டியது, பந்து மிடில் மற்றும் ஆஃப் ஸ்டம்பில் மோதியது தெளிவானது.
எது எவ்வாறாயினும் குறித்த சம்பவத்தை அடுத்து ஹைதராபாத் அணியுடனான போட்டியில் கொல்கத்தா நைட் ரைடர்ஸ் அணி 54 ஓட்டங்கள் வித்தியாசத்தில் வெற்றி பெற்றது .
கொல்கத்தா நைட் ரைடர்ஸ் அணிக்கு இது ஆறாவது வெற்றியாக அமைந்து ,இந்த நிலையில் ஹைதராபாத் அணி 5 போட்டிகளில் மட்டுமே வெற்றிபெற்று தடுமாறிக் கொண்டிருக்கிறது.
ஏற்கனவே நடுவர்கள் பலவிதமான சர்ச்சைகளை இந்த ஆண்டுக்கான ஐபிஎல்லில் ஏற்படுத்தி இருக்கும் நிலையில், இப்போது இந்த DRS சர்ச்சையும் சமூக வலைத்தளங்களில் அதிகம் சிலாகிக்கப்படுகிறது.
— Aditya Kukalyekar (@adikukalyekar) May 14, 2022
Video இணைப்பு & Subscribe செய்யுங்கள்?
