ரி20 உலகக்கிண்ணத் தொடரின் இன்று இடம்பெற்ற போட்டியில் பங்களாதேஷ் அணியை எதிர்த்தாடிய மேற்கிந்திய தீவுகள் அணி 3 ஓட்டங்களால் வெற்றிப் பெற்றுள்ளது.
போட்டியின் நாணய சுழற்சியில் வெற்றிப் பெற்ற பங்களாதேஷ் அணி முதலில் களத்தடுப்பை தேர்ந்தெடுத்தது.
அதன்படி, முதலில் துடுப்பெடுத்தாடிய மேற்கிந்திய தீவுகள் அணி நிர்ணயிக்கப்பட்ட 20 ஓவர்கள் நிறைவில் 7 விக்கெட்டுக்களை இழந்து 142 ஓட்டங்ளைப் பெற்றது.
அவ்வணி சார்பில் நிகொலஸ் பூரன் 40 ஓட்டங்களையும் ரோஸ்டன் சேஸ் 39 ஓட்டங்களையும் பெற்றுக் கொண்டனர்.
பந்து வீச்சில்மஹேதி ஹசன், முஸ்தாபிசுர் ரஹ்மான் மற்றும் ஷோரிஃபுல் இஸ்லாம் ஆகியோர் தலா 2 விக்கெட்டுக்கள் வீதம் வீழ்த்தினர்.
அதன்படி, 143 என்ற வெற்றி இலக்கை நோக்கி பதிலுக்கு துடுப்பெடுத்தாடிய பங்களாதேஷ் அணி 20 ஓவர்கள் நிறைவில் 5 விக்கெட்டுக்களை 139 ஓட்டங்களை மாத்திரமே பெற்றுக் கொண்டது.
பங்களாதேஷ் அணி சார்பில் லிடன் தாஸ் அதிகபட்சமாக 44 ஓட்டங்களைப் பெற்றுக் கொண்டார், அணித்தலைவர் மொஹமதுல்லாஹ் 31 ஓட்டங்களைப் பெற்றுக் கொண்டார்.
